قلب يحبك

أنت الأحب أنت الأعز أنت الاغلى
---------------------هذا الكـلام اللـي تبينـي أقولـه
بعد و أزيدك أنـت أروع وأحلـى
----------------------من شافت عيوني بها الكون زوله
لايمكن أهدا عنك لايمكـن أسـلا
---------------------طول السنة والوقت تعرف فصوله
ماتشوف نارك كيف بالقلب تصلا
---------------------ماتشوفني وشلون منـك خجولـه
قلب ٍ يحبك صدق وشلون يخلـى
--------------------من حبك اللي صعب محد يطولـه
أوقات عمري شفتها فيـك تحـلا
-------------------والليل اشوفه فيك يسبـق حلولـه
ان جيت قلبي قال اهـلا وسهـلا
-------------------وان رحت ياقسوة نهاري وطولـه
بيني وبينك عمر ما أظـن يبـلا
-------------------وأشياء مابيهـا تضيـع بسهولـه
ميزتك انـك كـل ماغبـت تغـلا
-------------------وعيبي بأني فـي غيابـك ملولـه
من فوق هام السحب لا والله أعلا
-----------------حبك تجاوز بي زمـان الطفولـه
وابسألك وانته جاوب ب ايـه أولا
----------------هو ذا الكلام اللي يهمك وصولـه
انت الأحب أنت الاعز أنت الاغلى
---------------ارتحت طيب أنت شللـي تقولـه






وســــلا مــتــكم .

اخوكم //الواكــد

كاتبت القصيدة

الشاعرة / تذكار الخثلان .

__________________
al-shahwan1@hotmail.com