الرئيسيةس .و .جبحـثالتسجيلالأعضاءالمجموعاتدخول

شاطر | 
 

 قصيده روعة

اذهب الى الأسفل 
كاتب الموضوعرسالة
سعودية قمر
مشرفة
مشرفة
avatar

عدد الرسائل : 27
تاريخ التسجيل : 27/08/2007

مُساهمةموضوع: قصيده روعة   الإثنين أغسطس 27, 2007 1:47 pm

هذي قصيده رائعة في نظري للمبدع شاعري المفضل حامد زيد ولوتسمعونها بتكون احلى واحلى

اتمنى ان تنال اعجابكم
قصيدة (المباني)
جابك الله من غياب ٍ ضيّـق صـدور المبانـي ::: قبل لا الوحشه تزعزع بيتـك الصلـب وتبيـده
بيتك اللي من رحلـت وكـل جدرانـه تعانـي ::: ماتحمـل ينتظـر شهريـن وعيونـك بعـيـده
الله العالـم لـو إنـك جيـت متأخـر ثوانـي ::: ماتشوف إلا بقايـا مـن حصـاه ومـن حديـده
من عرفتك وأنت تايه من موانـي لـي موانـي ::: وتارك ٍ قلبي مولّـع مـن وقيـده فـي وقيـده
ضاعـت سنينـي أحـد بهاليالـي وتحـدانـي ::: وأنت ماتشبع غيـاب ولاتخـاف مـن النقيـده
ودي أتحمـد لـك الله بالسلامـه , مامـدانـي ::: كل ماتوصـل برحلـه ترجـع برحلـه جديـده
دام تدري كـل وجـه ٍ غيـر وجـه الله فانـي ::: ياخي أكسبلك ثواب وخاف ربـك فـي عبيـده
كان فينـي عيـب قلي:فينـي العيـب الفلانـي ::: كان هرجي مزعلـك فـي شـي قلي:لاتعيـده
عيب تصغر في عيوني وأنت برقـاب الغوانـي ::: كيف تستسهل طعوني وأنت خابرنـي وليـده ؟
لعنبوك أن مت بيدك من يفكك مـن أخوانـي ؟ ::: لحزنوا ربعي على فرقـاي شاللـي تستفيـده ؟
أنت منت اللي عشقته أنت أكيـد انسـان ثانـي ::: ليه صرت بهالبـرود وبهالاحاسيـس البليـده ؟
وين حبك للزعـل .ويـن العنـاد الأولانـي ؟ ::: وين حنّية زمـان وفرحـة العمـر الرغيـده ؟
وين ذاك اللي اليا أقبـل مايبـات إلا بمأنـي ؟ ::: وين راح اللي اليا أقفـى مايـروح ألا فقيـده ؟
واحد ٍ مـن جابـه الله بـس يامـر ويعصانـي ::: الوحيد اللي أخافه غصب وأمشـي معـه سيـده
(مابغيت أطيـح بيـده) ليـن ماربـي بلانـي ::: ولا أنا لو هي بكيفـي (مابغيـت أطيـح بيـده)
ذاك بس اللـي يامـن جيتـه يلخبـط كيانـي ::: اللـي بنظـره ينشـف دم قلبـي فـي وريـده
قبل أشوفه أجمع اله أحلى القصايـد والمعانـي ::: وأن لقيته ماعرفـت أقـول لـي جملـه مفيـده
الف مـره قبلـه أعـد القصيـده مـن لسانـي ::: ولعنبوه أن جيت عنده قمت أخربـط بالقصيـده
أمدحه وأنـا أدري أنـه لـو تباطانـي نسانـي ::: أنطحه وانا أعرفـه مجنـون وأفكـاره عنيـده
من يسوي بي سواتك يالرهيـف الاسمرانـي ؟ ::: منهو من الناس غيرك غلطته ترفـع رصيـده ؟
من يقص(جناح طيرك)وأنت أعز أنسان جاني ؟ ::: ليه أخاف(رماح غيرك)وأنت ضرباتك سديده ؟
ان تبعتك .أتبعك مـن طيبـي وواسـع بطانـي ::: ولا أنا لاجيـت أكيـد انسـان عـزالله بكيـده
أقدر أنزع لك ثيابـي وألبـس ثيـاب الأنانـي ::: وأقدر أطلع من عذابي والعب بـدورك وأجيـده
ومستعد أكسب رهاني لو بغيت أكسـب رهانـي ::: وأخدعك بحساس كاذب وأتحـدى مـن يصيـده
أبك أنا لي شفت خلّي حط غيـري فـي مكانـي ::: والله إني لتركه وأن صـد لعشـق سيـد سيـده
جيت مابيك تحقرني جيت أبيـك تعـز شانـي ::: جيت أبي فزعة ظلوعك من مشاعـرك البليـده
خلني داخل (حدودك) وأجبـر بخاطـر زمانـي ::: أكذب بباقي (وعودك) وأصدق بلحظـه سعيـده
أنتشلني مـن (بـرودك) لـو تولّـع بالمحانـي ::: عطني أحساس (بوجودك) وأخذ كل اللي تريـد
تكفى واليا قلت :تكفى بيـع خلـق الله عشانـي ::: لاتضيّع من يدينـي فرصـة العمـر الوحيـده
يعلم الله شفـت منـك ومـن غيابـك ماكفانـي ::: كـان ماتقـدر تخفـف هـم قلبـي !! لاتزيـده
شف غيابك وش يسـوي بالصـدور وبالمبانـي ::: وأنت تدري كيف كانت صدمت غيابـك شديـده
والله أنك لـو وصلـت البيـت متأخـر ثوانـي ::: مالقيت إلا بقايـا مـن حصـاه ومـن حديـد...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
انين طفله

avatar

عدد الرسائل : 126
تاريخ التسجيل : 25/08/2007

مُساهمةموضوع: رد: قصيده روعة   الإثنين أغسطس 27, 2007 3:22 pm

مشكورة سعودية قمر صراحة قصيدة رائعة جدا........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سعودية قمر
مشرفة
مشرفة
avatar

عدد الرسائل : 27
تاريخ التسجيل : 27/08/2007

مُساهمةموضوع: رد: قصيده روعة   الإثنين أغسطس 27, 2007 8:09 pm

مشكوره على احلى مرور نورت الصفحة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيده روعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الأدبيه والشعرية :: الشعر والشعراء-
انتقل الى: