بسم الله الرحمن الرحيم
---------------------------
اولا: الله يمسيكم بالخير يا اعضاء المنتدى الكرام.
ثانيا: حبيت اشارككم بهالقصيده اللي قريتها واعجبيتني وهي للشاعر المبدع
سعد الحريص, اترككم مع القصيده واتمنى ان تنال اعجابكم
ياحــادي الركـب لا تنـطح هجيـر الشمــوس
واحجب ظما البيد عن ماها وعن عيسهـا
كـلٍ علــــى قــد فهـمــه والليـــالـي دروس
واهـــل الحجـا تفهـم الدنيـا وتدريســـهـا
والشجرة اللي علت في جذعها نخر سوس
لو تصبر الريـح عنها كــان مـا جيســـــهـا
ابقطـع الصمــت فـي صوتٍ كما حد مـــوس
واقــرع طبـول الوفا واضـرب مراويســهـا
ما كـانـت الحــرب الا حــرب روم مجــــــوس
والا ارضـهـا يعربيـــه فــي تضاريســــهـا
فـي قدهــا تفتن الانظـــــار مثـل العــروس
وعجوز شمطا إذا اقفت فـي هداريسهـا
ليــا اقبسـت قـل طالبهـا وطــاب الجلـــوس
لــو قلـت يـا كثرهـــم فينـا معاريســـهـا
ما هي بداحس وغبراهم وحرب البسـوس
جحافـل الـروم تزمــي فـي كراديســهـا
أقــول وجـه الزمـن باكـــر علينـا عبــــوس
والله يكـذب فـزع نفسـي واحاسيســها
الشاعر : سعد الحريص
هذا وتقبلوا فائق التحايا